最新花生消息，前幾日嗰個病人又send投訴信俾經理。啊姑娘同我講番，我話好呀，跟著我就行開咗。廢事聽內容。痴線嘅我係唔會理。同埋經理嘅作風我太清楚。你點覆佢我都估到。
～～～
呢排心煩，講啲輕鬆啲嘅嘢。
唔叻抽血嘅姑娘仔3係新同事。年紀細10+年有多，成日少女情懷總是詩咁。佢覺得要記住D拍拖呀，結婚紀念日等等嘅日子，唔係男友/老公第時考番你，你就答唔出～
呀妹你諗多左。男人唔會記得，同埋更加唔會問番呢D問題。因為佢怕你會話番佢。你夢幻世界入面啲角色好似掉轉左😰😰😰
純純🐰嘅佢，今日竟然爆出金句...
姑娘3: （大聲地）我男友成日唔帶袋架...
我同替假姑娘互望，唔識俾反應。而家D後生咁Open，咁鐘意開心Share？！ 跟著原來佢未講完。
姑娘3: ... 佢出街個陣呀！
哦！袋 💼👜👝🎒👝！
我地梗係大/賤笑啦。仲要俾姑娘3話我地好Dirty。😏
之後姑娘1Lunch完番黎，梗係Repeat番俾佢聽啦。不過唔小心講成：呀妹妹仔話佢男友唔帶套架。
謠言是這樣開始的。
～～
多謝Twin Star 醫生雪中送炭，我真係未食過Lady M㗎哈哈哈。LCX永遠都爆多人。
Search